Plantun de Prouvènço

Pèr coumpara dos planto d'encò nostre

Symphytum officinale & Schoenoplectus triqueter

Counsolo-majour

Symphytum officinale

Boraginaceae

Àutri noum : Erbo-di-cime, Erbo-dei-sùmi, Empés.

Nom en français : Grande consoude.

Descripcioun :
La counsolo-majour es uno grando erbo que trachis en ribo d'aigo. Se recounèis à si cimo denso de flour blanco, souvènt jaunasso, e subretout à si fueio en lanço emé un pecou que porto de gròssis alo que couron sus la cambo (fotò).

Usanço :
Au contre de ço que se vèi escri d'eici d'eila, vau miés la pas manja que caup d'alcalouïdo empouissounant pèr lou fege. Es uno planto vertuouso qu'èi poussible d'utilisa en emplastre contro d'ùni proublèmo de pèu (macaduro, blaveiròu e subretout li bruladuro), de muscle, d'articulacioun, d'estorso etc. Soun noum fai pensa à-n-utilisacioun contro li cime...

Port : Grando erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Symphytum
Famiho : Boraginaceae

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Ribiero - Palun - Prado umido
Estànci : Mesoumediterran à Mountagnard
Couroulougi : Pancaro entresigna
Ref. sc. : Symphytum officinale L., 1753

Triangle

Schoenoplectus triqueter

Cyperaceae

Noms en français : Scirpe à tiges trigones, Scirpe à trois angles.

Descripcioun :
Aquéu triangle dóu gènre Schoenoplectus es uno planto raro que trachis dins quàuqui lono dóu Rose (tres endré soulamen couneigu au nostre). Se recounèis à sa cambo bèn drecho e forto, à sa taio pulèu grando (fin qu'un mètre) e à soun enflourejado que fai d'espigueto pourtado pèr de pecou. Lis escaumo soun rousso sus li bord e i'a, en generau, dous estigmate.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 1(1,5) m
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Schoenoplectus
Famiho : Cyperaceae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Palun - Ribiero - Lono
Estànci : Mesoumediterran à Coulinen
Couroulougi : Pancaro entresigna
Ref. sc. : Schoenoplectus triqueter (L.) Palla, 1888 (= Scirpus triqueter L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Symphytum officinale & Schoenoplectus triqueter

Coumpara Counsolo-majour emé uno autro planto

Coumpara Triangle emé uno autro planto